Hangzhou

Die susterstad van Kaapstad is beeldskoon, in Nataniël se taal. 

Eeue terug al is Hangzhou as die mooiste stad in die wêreld beskryf deur Marco Polo. Marco was ‘n Italiaanse ontdekkingsreisiger van die 13e eeu en nie ‘n soort hemp nie. Marco kon nie uitgepraat raak oor die stad se besondere aantreklike uitleg rondom die Western Lake nie. Om die waarheid te sê, Marco het gedink dat hy in die Paradys was toe hy Hangzhou vir die eerste maal sien. Ons ook, Marco word verskoon.


Marco was ook beïndruk deur die grootte van Hangzhou, op daardie stadium loshande die grootste stad op aarde. Vandag vestig die stad omtrent 9 miljoen inwoners, en 21 miljoen mense in die metropolitaanse gebied rondom. Kultureel en histories word Hangzhou as een van die geboorteplekke van die Chinese beskawing gereken. En ja, reg geraai, dit was ook een van die vorige hoofstede van China. 


Hangzhou se Western Lake met sy drie dyke is ‘n Wêrelderfenisgebied. Die drie – Su, Bai en Yang – vorm inderdaad super-gewilde paadjies vir voetgangers en fietsryers. Selfs op ‘n Dinsdagoggend is die drie oorvol. Beishan Straat, op die oewer van die meer, word as die mooiste pad in die wêreld gereken. Mens wonder of dit die mening is van iemand wat wydberese is. 


Tee, sy en Hangzhou vorm ‘n innige driemanskap in hierdie deel van China. Amper so ‘n sterk eenheid soos ‘n enkelkindgesin. Vir sy en tee is daar elk ‘n museum in Hangzhou. En albei is pragtig.


Longjin tee is bitter gesog en teedrinkers glo vas dat min plesiere kom by ‘n koppie groentee in Longjin, ‘n skilderagtige dorpie op die voorstoep van Hangzhou. Ons was in die dorpie, maar ons drink net groentee uit selfverdediging.


Sywurmboerdery vorm deel van die laerskole in Hangzhou se onderrigplan. Hoe dan anders, die sywumbedryf kom reeds vir die laaste 6,000 jaar saam met die Chinese, in Hangzhou vir die afgelope 4,700 jaar. Dus vermoed ek dat die eerste Chinese sy gedra het toe Adam en Eva nog kaal in die Paradys was. 

Behalwe ‘n meer, tee en sy is Hangzhou ook bekend vir sy motorvervaardigers en die internetbesigheid Alibaba. En sy kaartspelers in die parke.


Die mooi stad se ekonomie flonker inderdaad. Is dit dalk waarom die mense langarm, sommer sonder rede?

Advertisements

Skrywer: oudoring

Married for 30 years to Sugnét. Two children. We call Namibia our home country, but travel currently as part of a sabbatical year.

2 thoughts on “Hangzhou”

  1. Ag kan ons vir julle kom kuier? Ek glo n koppie tee kan alles fix, en water maak my siel gelukkig, komende uit Namibie, en wie kan nou sy weerstaan? Groete vanaf Makalaan.

    Liked by 1 person

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s